قراقرم انٹرنیشنل یونیورسٹی میں نیشنل ایدولینس اینڈ یوتھ پالیسی کے عنوان پر سیشن کاانعقاد،وائس چانسلر،وفاقی ڈپٹی سیکرٹری برائے وزیر اعظم یوتھ پروگرام کی شرکت۔
گلگت : قراقرم انٹرنیشنل یونیورسٹی میں نیشنل ایدولینس اینڈ یوتھ پالیسی کے عنوان پر سیشن منعقد ہوا۔ شعبہ تعلقات عامہ کے آئی یو کے مطابق جس میں کے آئی یو کے وائس چانسلر پروفیسر ڈاکٹر عطاء اللہ شاہ، وزیراعظم یوتھ پروگرام کے ڈپٹی سیکرٹری ڈاکٹر محمد علی ملک و دیگر معززین، فیکلٹی ممبران اور طلبہ نے شرکت کی۔سیشن کا محور نوجوانوں کا پاکستان کی ترقی میں اہم کردار،نیشنل ایڈولینس اینڈ یوتھ پالیسی کے بارے میں نوجوانوں کو آگاہ کرنا تھا۔ سیشن سے اظہار خیال کرتے ہوئے وائس چانسلر کے آئی یو ڈاکٹر عطاء اللہ شاہ نے یونیورسٹی کے طلبہ کو معیاری تعلیم، ہنرمندی، اور جدید پروگراموں کے ذریعے بااختیار بنانے کے عزم کا اعادہ کرتے ہوئے انہوں نے کہا کہ نوجوان ہمارے ملک کی ترقی کی ریڑھ کی ہڈی ہیں اورجامعہ قراقرم انہیں قیادت اور اختراع کے لیے تیار کرنے کے لیے پرعزم ہے۔ وزیراعظم یوتھ پروگرام کے ڈپٹی سیکرٹری ڈاکٹر محمد علی ملک نے وزیراعظم یوتھ پروگرام پر ایک جامع روشنی ڈالی اور اس کے نوجوانوں کو بااختیار بنانے کے فوائد بیان کیے۔ انہوں نے تعلیم، ہنرمندی، کاروباری مواقع اور قائدانہ صلاحیتوں کے فروغ پر پروگرام کے فوکس کو اجاگر کیا۔ انہوں نے قومی نوعمر و نوجوان پالیسی کی تشکیل پر بھی بات کی اور اسے نوجوانوں کے چیلنجز سے نمٹنے اور ان کے لیے جامع مواقع پیدا کرنے کا ایک روڈ میپ قرار دیا۔ انہوں نے کہایہ پالیسی اس بات کو یقینی بناتی ہے کہ ہمارے نوجوان قوم کی ترقی میں بامعنی کردار ادا کر سکیں۔ان سے قبل کے آئی یو کے پرووسٹ ڈاکٹر قمر عباس نے یونیورسٹی کے ان اقدامات پر روشنی ڈالی جو طلبہ کے لیے تعلیمی اور پیشہ ورانہ ترقی کے مواقع فراہم کرتے ہیں۔ انہوں نے کہا کہ قراقرم انٹرنیشنل یونیورسٹی سکی اکیڈمی جیسے پروگرام جو کھیلوں اور سیاحت کو فروغ دیتے ہیں۔ نوجوانوں کی متنوع شعبوں میں صلاحیتوں کو اجاگر کرنے کے لیے بنائے گئے ہیں۔سیشن سے قبل ڈاکٹر محمد علی ملک نے وائس چانسلر ڈاکٹر عطاء اللہ شاہ کے ہمراہ KIU سکی اکیڈمی کا دورہ کیا۔ جو ایڈونچر اسپورٹس اور سیاحت کو فروغ دینے کا ایک اہم منصوبہ ہے۔ یہ اکیڈمی ہائر ایجوکیشن کمیشن کی تعاون سے چل رہی ہے۔ خطے کی منفرد صلاحیتوں کے ساتھ تعلیم کو مربوط کرنے کے جامعہ قراقرم کے وژن کی عکاسی کرتی ہے۔مشاورتی سیشن کے بعد چار مختلف مقامات پر انٹرایکٹوسیشن بھی ہوئے جہاں طلبہ اور معززین نے پالیسی سازی اور قومی ترقی میں نوجوانوں کی شمولیت کو مضبوط بنانے کے لیے خیالات کا تبادلہ کیا۔
جاری کردہ
Sohail Majeed is a Special Correspondent at The Diplomatic Insight. He has twelve plus years of experience in journalism & reporting. He covers International Affairs, Diplomacy, UN, Sports, Climate Change, Economy, Technology, and Health.
