اسلام آباد –: غوری ٹاؤن فیز 4 میں واقع فیملی پارک پر قبضہ اور اس پر دکانوں کی تعمیر کے خلاف اتوار کے روز غوری ٹاؤن کے رہائشیوں، خواتین اور بچوں کی بڑی تعداد نے ایک پُرامن احتجاج کیا۔ یہ احتجاج شام پانچ بجے عوامی پارک کے مرکزی مقام پر منعقد ہوا جس میں درجنوں خاندانوں نے شرکت کی۔
احتجاج میں شریک خواتین نے ہاتھوں میں پلے کارڈز اور بینرز اٹھا رکھے تھے جن پر درج تھا:
“پارک ہمارا حق ہے”،
“فیملیز کے لیے سبز جگہ محفوظ کرو”،
اور
“کمرشل تعمیرات بند کرو”۔مظاہرین کا کہنا تھا کہ یہ پارک علاقے کے واحد عوامی تفریحی مقامات میں سے ایک ہے، جو برسوں سے بچوں کی کھیل کود، خواتین کی واک اور اہلِ علاقہ کی صحت بخش سرگرمیوں کا مرکز رہا ہے۔ احتجاج کرنے والی ایک خاتون، مسز عادل رستم نے ، نے بتایا:
“ہم اپنے بچوں کے لیے یہ پارک بچانا چاہتے ہیں۔ یہاں اگر پلازے یا دکانیں بنا دی گئیں تو ہماری نسلیں محروم ہو جائیں گی۔”منتظمین میں شامل محمد زبیر نے میڈیا سے گفتگو کرتے ہوئے کہا کہ یہ احتجاج کسی سیاسی یا ذاتی مفاد کے تحت نہیں بلکہ صرف اور صرف مقامی رہائشیوں کے حق میں ہے۔
“ہم چاہتے ہیں کہ یہ پارک ہمیشہ کے لیے عوامی جگہ کے طور پر محفوظ کیا جائے۔ ہم متعلقہ اداروں سی ڈی اے، پولیس اور نیب سے مطالبہ کرتے ہیں کہ وہ فوری نوٹس لیں اور پارک کی زمین کو کمرشل مقاصد کے لیے استعمال کرنے کی کسی بھی کوشش کو روکا جائے۔”احتجاج مکمل طور پر پُرامن رہا اور شرکاء نے قانون کا احترام کرتے ہوئے اپنی آواز بلند کی۔ مقامی پولیس نے بھی احتجاج کی نگرانی کی۔اہلیانِ غوری ٹاؤن نے اس امید کا اظہار کیا کہ ان کی اجتماعی کوششوں کے نتیجے میں متعلقہ حکام اس عوامی مقام کو تحفظ فراہم کریں گے اور آنے والی نسلوں کے لیے سرسبز اور محفوظ ماحول یقینی بنائیں گے
پارک پہ موجود مظاہرین کو سپورٹ کرنے کے لیے جماعت اسلامی اور مرکزی مسلم لیگ کے اسلام اباد کے مرکزی قائدین موجود تھے
جن میں سر فہرست عبدالرحمان پاشا سور فرید خان اور فیز فور اے کے سماجی رہنما محمد زبیر اور رانا عبد القیوم، زاہد علی خان اور ٹاؤن کے عمائدین بھی موجود تھے ۔
مرکزی مسلم لیگ کے انعام الرحمن صاحب اور عبدالرحمن پاشا نے یقین دلایا کہ وہ رہائشیوں کے ساتھ ہیں
اور تمام اداروں کے پاس جائیں گے اور رہائشیوں کو ان کا حق دلوائیں گے۔
واضح رہے کہ غوری ٹاؤن میں نالہ کورنگ کے اطراف دو سو فٹ تک کسی بھی قسم کی تعمیرات پر پابندی عائد ہے اور ہائی کورٹ کے فیصلے کے مطابق پارک کی جگہوں پر کمرشل تعمیرات نہیں ہو سکتیں۔ تاہم یہاں کے بلڈر نے پارک کی زمین پر قبضہ کر لیا۔ اس پر رہائشی سراپا احتجاج ہیں۔
Sohail Majeed is a Special Correspondent at The Diplomatic Insight. He has twelve plus years of experience in journalism & reporting. He covers International Affairs, Diplomacy, UN, Sports, Climate Change, Economy, Technology, and Health.
