صنعتی شعبے کیلئے بجلی کی قیمتوں کمی ناگزیر ہے، ایس ایم تنویر
ایف پی سی سی آئی کے وفد کی معاون خصوصی ہارون اختر خان سے ملاقات
اسلام آباد وزیراعظم کے معاون خصوصی صنعت ہارون اختر خان سے صدر ایف پی سی سی آئی عاطف اکرام شیخ کی قیادت میں بزنس کمیونٹی کے وفد نے ملاقات کی۔بزنس کمیونٹی کے وفد میں پیٹرن انچیف یو بی جی ایس ایم تنویر، نائب صدر ایف پی سی سی آئی ذکی اعجاز شامل تھے، بزنس کمیونٹی کے وفد نے کامیاب انڈسٹریل پالیسی پر معاون خصوصی وزیراعظم ہارون اختر خان کو مبارکباد پیش کی، ملاقات میں نئی صنعتی پالیسی اور بزنس کمیونٹی کے مسائل کے حل پر تبادلہ خیال کیا گیا۔
ملاقات میں گفتگو کرتے ہوئے معاون خصوصی ہارون اختر خان نے کہا کہ انڈسٹریل پالیسی کے حوالے سے لوگوں نے کہا کہ یہ بہت مشکل ہے، آپ اس کام میں نہ پڑیں، انڈسٹریل پالیسی کی تشکیل کیلئے تمام اسٹیک ہولڈرز پر مشتمل کمیٹی بنائی گئی، صنعتی پالیسی کیلئے آکسفورڈ کے کنسلٹنٹ کی خدمات بھی حاصل کی گئیں، 8 کمیٹیاں قائم کی گئیں، نئی صنعتی پالیسی میں بزنس کمیونٹی بینک کرپسی قانون متعارف کرایا گیا ہے،نئے بینک کرپسی قانون کے تحت قرض دار کو ایک سال کی مہلت دی گئی ہے اس کے بعد عدالتی اور قانونی کارروائی کی جا سکے گی۔انہوں نے مزید کہا کہ ایف بی آر کو بزنس کمیونٹی کو ہراساں کرنے سمیت متعدد معاملات پر قائل کیا گیا ہے، کسی بھی ملک کی ترقی میں صعنتی شعبے کا کردار انتہائی اہم ہوتا ہے، 7 ہزار میگاواٹ اضافی بجلی موجود ہے لیکن مہنگی ہونے کی وجہ سے کوئی خریدنے کیلئے تیار نہیں، بجلی 7 سینٹ یونٹ کی قیمت پر بھی منافع دیگی لیکن آئی ایم ایف کسی چیز کی قیمتیں کم نہیں کرنے دیتا، دنیا کا ہر ملک انڈسٹریلایشن کو فروغ دے کر ہی کے ترقی کے راستے پر گامزن ہو سکتا ہے۔ ہارون اختر خان نے کہا کہ مسلسل کوششوں کے نتیجے میں بزنس مین کے اوپر چور کا لیبل ہٹانے میں کامیاب ہوئے ہیں، اب بزنس مین کو عزت کی نگاہ سے دیکھا جاتا ہے، بزنس کمیونٹی نے 25 فیصد انٹرسٹ ریٹ کے ساتھ بھی اپنے کاروبار کو بچایا ہے۔
صدر ایف پی سی سی آئی عاطف اکرام شیخ نے ملاقات میں گفتگو کرتے ہوئے کہا کہ نئی صنعتی پالیسی کے حوالے سے معاون خصوصی ہارون اختر خان کا کردار قابل تعریف ہے ، نئی پالیسی کے تحت صنعتی شعبے کیلئے ٹیرف اور پیداواری لاگت میں کمی ہوگی،نئی صنعتی پالیسی سے صنعتیں بحال ، درآمدات میں کمی اور برآمدات میں اضافہ ہو گا، کاروبار دوست اور لانگ ٹرم پالیسیوں کی تشکیل سے ملک کو معاشی ترقی کی راہ پر گامزن کیا جا سکتا ہے، وزیراعظم شہباز شریف انڈسٹری کو ریلیف دینے اور کاروباری لاگت میں کمی کیلئے سنجیدہ کوششیں کر رہے ہیں۔
پیٹرن انچیف یو بی جی ایس ایم تنویر نے ملاقات میں گفتگو کرتے ہوئے کہا کہ صنعتی شعبے کیلئے بجلی کی قیمتوں میں کمی ناگزیر ہے،بجلی کی قیمتوں بڑھنے کی وجہ سے پنجاب کی انڈسٹری تباہ ہو رہی ہے،انڈسٹری کیلئے توانائی کی قیمتوں کو کم کر کے خطے میں مسابقتی بنایا جانا چاہیے،انڈسٹری کیلئے توانائی قیمتوں کو خطے میں مسابقتی بنا کر ٹیکسٹائل برآمدات میں بڑا اضافہ کیا جا سکتا ہے،ںزنس مین سے چور کا لیبل ہٹ جانا نیک شگون ہے۔
Sohail Majeed is a Special Correspondent at The Diplomatic Insight. He has twelve plus years of experience in journalism & reporting. He covers International Affairs, Diplomacy, UN, Sports, Climate Change, Economy, Technology, and Health.
