اسلام آباد : وزیراعظم کے معاون خصوصی ہارون اختر خان کی زیر صدارت کمپنیز ایکٹ 2017 کی جدت کاری سے متعلق ذیلی کمیٹی کا اعلیٰ سطحی اجلاس منعقد ہوا.
وزیراعظم کے معاونِ خصوصی جناب ہارون اختر خان کی زیر صدارت کمپنیز ایکٹ 2017 کی جدت کاری سے متعلق ذیلی کمیٹی کا اعلیٰ سطحی اجلاس منعقد ہوا۔
اجلاس میں اسکاٹ جیکبز، بورڈ آف انویسٹمنٹ (BoI)، سیکیورٹیز اینڈ ایکسچینج کمیشن آف پاکستان (SECP) اور اوورسیز انویسٹرز چیمبر آف کامرس (OICC) کے نمائندگان نے شرکت کی۔
اجلاس میں ریگولیٹری اصلاحات اور کمپنیز ایکٹ 2017 کی جدت کاری پر تفصیلی غور و خوض کیا گیا۔ معاون خصوصی ہارون اختر خان نے غیر فہرست شدہ (Unlisted) کمپنیوں کی رجسٹریشن کا عمل آسان بنانے کی ضرورت پر زور دیا اور کہا کہ تاخیر، غیر ضروری ضوابط اور کاروبار میں آسانی کا فقدان بزنس کمیونٹی کے لیے ایک سنجیدہ چیلنج بن چکے ہیں۔
انہوں نے زور دیا کہ غیر فہرست شدہ کمپنیوں کی کارپوریٹ گورننس کو کارپوریٹ بائی لاز اور کمپنیز کے آرٹیکلز آف ایسوسی ایشن کے ذریعے طے کیا جانا چاہیے۔ انہوں نے نشاندہی کی کہ موجودہ ایکٹ میں کئی رکاوٹیں اور ساختی مسائل موجود ہیں جو نئی کارپوریٹ شکلوں میں جدت کی راہ میں حائل ہیں۔
ہارون اختر خان نے کہا: “سخت قوانین کی وجہ سے لوگ اپنی کمپنیاں رجسٹر کروانے سے گریز کرتے ہیں۔”
کمپنیز ایکٹ کی جدت کاری کے لیے بورڈ آف انویسٹمنٹ نے اپنی سفارشات پیش کیں، جن پر آئندہ اجلاس میں حتمی منظوری کے لیے غور کیا جائے گا۔
Sohail Majeed is a Special Correspondent at The Diplomatic Insight. He has twelve plus years of experience in journalism & reporting. He covers International Affairs, Diplomacy, UN, Sports, Climate Change, Economy, Technology, and Health.
